Мексикалик ҳарбий 900 метр баландликда самолёт корпусига илиниб қолди.
10 нафар мексикалик десантчи Мексика ҳарбий ҳаво кучлари самолётидан сакрашди, 11-десантчининг эса омади келмади. Сакраш вақтида парашютнинг арқони самолёт корпусига илиниб қолди. Десантчи бир неча дақиқа ҳавода туриб қолди.
Десант гуруҳи раҳбарининг маълум қилишича, ушбу мураккаб вазиятга қарамай, самолёт бортидаги ҳарбийлар десантчини самолёт бортига қайтаришни уддалашган. Ҳарбийга ҳеч қандай жароҳат етмаган, аммо, шок ҳолатига тушгани инобатга олиниб, у шифохонага етказилган.
