Украина ҳудудида авиаҳалокатга учраган Boeing тергов ишларининг илк натижалари 9 сентябрь куни эълон қилинади. Бу ҳақда Голландия хавфсизлик кенгаши маълумотига асосланиб “ИТАР-ТАСС” агентлиги хабар беради.
“Дастлабки ҳисобот соат 10:00 да (Тошкент вақти билан 13:00 да) тақдим этилади”,-дейилади хабарда.
“Ҳисоботда асосли манбалардан олинган фактлар келтирилади. Терговни давом эттириш ҳамда якуний ҳисоботни тузиб чиқиш учун бир неча ой керак бўлади. Хавфсизлик кенгаши бир йил ичида якуний ҳисоботни тақдим этишга умид қилмоқда”,-деб қайд қилиб ўтилган ҳужжатда.
Эслатиб ўтамиз, Украина ҳудудида қулаган Малайзия лайнери уриб туширилган бўлиши мумкин, деб ҳисобламоқда. Амстердам-Куала-Лумпур рейси бўйича учган Malaysia Airlines авиакомпаниясининг Boeing 777 самолёти 17 июль куни Украинанинг Донецк вилоятида қулаган. Лайнер бортида бўлган барча 298 киши ҳалок бўлган.
