Жамоатчилик фаоли Мурат Сарсенов ўзининг Facebook‘даги саҳифасида хабар беришига кўра, Савицкий музейида ўт ўчириш тизимининг ўз-ўзидан ишлаб кетиши оқибатида рассом Александра Шевченконинг "Баба с ведрами" расми қанчалик зарар кўрганини хабар қилди.
Хабарда айтилишига кўра, шу кунларда Нукус Санъат музейига Ўзбекистон Маданият вазири ўринбосари Камола Акилова ва музейнинг собиқ директори Марини Бобоназаровалар келишган.
“Мариника Бобоназарованинг сўзларига кўра, бўёқнинг 60%га яқин қисми холстдан кўчган. Бўёқ остидаги қатлам (грунт) жойида, лекин расм ачинарли аҳволда”, - дейилган хабарда.
Хабарда шунингдек, ушбу машҳур асарни қайта тиклаш билан хорижий мутахассислар шуғулланиши айтиб ўтилган.
Бироз олдин музей ўзининг расмий хабарида айни дамда хорижий мутахассислар билан музокаралар олиб борилаётганини хабар қилган эди.
Эслатиб ўтамиз, Шевченконинг "Баба с ведрами" расми — Нукус музейининг энг таниқли экспонатларидан бири. Alerte Heritage жамияти мутахассисларига кўра, расмнинг бугунги кундаги баҳоси ўртача 1,5 миллион долларни ташкил қилади.
