Британиялик дизайнер ва Spice Girls поп гуруҳи собиқ вакили Виктория Бекхэм БМТнинг бирлашган дастури ОИВ/ОИТС (ЮНЭЙДС) бўйича элчиси этиб тайинланди.
Викториянинг сўзларига кўра, у шу йилнинг феврал ойида Кейптаунга қилган ташрифидан сўнг, ОИТСга қарши курашишга қарор қилган.
Жаҳон ташкилоти вакилларининг айтишича, Виктория Бекхэм ЮНЭЙДСга ОИВ инфекцияси билан касалланиб туғиладиган болалар сонини қисқартириш ва ОИВга чалинган аёлларни керакли дори дармонлар билан таъминлашга ёрдам беради.
ЮНЭЙДС маълумотига кўра, ОИВ билан касалланганларнинг кўпчилиги аниқроғи 24,7 млн киши Африка мамлакатларида истимоқат қилади. Қайд қилинишича, улардан 58 фоизини аёллар ташқил қилади.
Август ойида Виктория Бекхэм Африка мамлакатларидаги ОИВга чалинган аёллар учун хайрия интернет аукционида ўзининг 600 га яқин кўйлакларини сотиб юборди.
Викториянинг турмуш ўртоғи, машҳур футболчи Дэвид Бекхэм ўз вақтида БМТнинг болалар фондининг (ЮНИСЕФ) элчиси бўлган. 20 йил давомида ушбу жуфтлик Элтон Жоннинг ОИТСга қарши курашиш фондига ёрдам бериб келишмоқда.
