31 август куни Тошкент шаҳрининг Яшнобод туманида яшовчи Д.Г. уйида жанжал қилаётганлиги ҳақидаги хабарга асосан воқеа жойига уч нафар туман ички ишлар органлари фаолиятини мувофиқлаштириш бошқармаси ходимлари етиб келган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилишича, бошқарма ходимлари фуқаро Д.Г.ни тартибга чақирган вақтларида у уйидан пичоқ олиб чиққан ва ходимларни ўлдириш билан қўрқитиб, уларга фаол қаршилик кўрсатган. Шунингдек, у ходимлардан бирининг юзига қўллари билан уриб жароҳат етказган.
