Футбол бўйича аёллар ўртасида Ўзбекистон чемпионатида қизиқ ҳолат юз берди, деб хабар қилмоқда ПФЛ директори ўринбосари Диёр Имомхўжаев ўзининг Telegram каналида
ПФЛ директори ўринбосари Диёр Имомхўжаевнинг маълум қилишича, «Шўртан» футболчиси Улдона Тўхтаева ўйиндан олдин ўзбекча одатлардан бири бўлган "келин салом"ни ижро қилган.
Футболчи бир ҳафта олдин турмушга чиққан бўлган ва шу туфайли, ўзбек урф-одатига кўра, стадионда келин саломини берган.
"Шўртанчилар"нинг 5:0 ҳисобидаги ғалабаси билан тугаган ўйинда Улдона Тўхтаева битта голли узатмани ҳам амалга оширган.
