Бразилияда чақалоқ заҳарли чаён етти марта чаққандан кейин омон қолди, деб хабар бермоқда РИА Новости.
Ушбу ҳолат мамлакатнинг шарқий қисмида Баия штатида содир бўлди. Она боласини чўмилтиргандан сўнг, унга памперсни кийиб қўяди. Лекин памперс ичида чаён борлигини кўрмай қолади. Бола нафаси бўғилиши бошланади. Шундан кейин аёл зудлик билан уни шифохонага олиб боради.
Шифокорлар болани кўздан кечирганда, унинг ички кийимлари орасида чаённи топиб олишади. Чаён боланинг киндик яқинида етти марта чаққан экан.
Болага зудлик билан заҳарга қарши дори қилишади. Қизча жонлантириш бўлимига ётқизилади. Бир неча кундан кейин ўзига кела бошлайди.
Шифокорларнинг сўзларига кўра, чаён чаққандан кейин икки соат ичида заҳарга қарши дори қилинганлиги туфайли болани қутқариб қолишга муваффақ бўлди.
