Малта соҳилларида 100 га яқин муҳожирлар ҳаёти сақлаб қолинди, деб хабар берди ТАСС нашри.
Малта қирғоқларидан 42 км узоқликда фалокатга учраган қайиқни денгиз ҳарбийлари қутқариб қолишган. Бу қутқарилган қочоқлар гуруҳининг иккинчиси ҳисобланади. Бундан аввал ҳам 120 нафар муҳожирлар қуруқликка олиб чиқилган эди. Ҳозирда ҳар иккала гуруҳга ҳам зарурий ёрдам кўрсатилмоқда. Хабарларга кўра, улар жами 61 та қайиқларда сузиб келишган ва биридан бошқасига ўтаётганида ағдарилиб кетган.
