Боснияда жойлашган Брод нефтни қайта ишлаб чиқариш заводида кучли портлаш содир бўлди, деб хабар бермоқда Gazeta.ru нашри.
Шундан сўнг келиб чиққан ёнғин атрофдаги биноларга ҳам хавф солмаган бўлса-да, ундан чиқаётган заҳарли ҳаво туфайли бир неча км. масофадаги уйлардан одамлар вақтинчалик кўчирилган. Воқеа оқибатида 8 нафар завод ходими куйиш жароҳатини олиб шифохонага етказилди. Ҳозирча портлашнинг сабабларига аниқлик киритилмаяпти.
