Пойтахтда жорий қилинаётган йўл ҳаракати хавфсизлигини бошқариш тизимининг «бош мияси» Тошкентдаги Глинка кўчасидаги Йўл ҳаракати хавфсизлиги шаҳар бошқармасининг собиқ биносида жойлашади, дея хабар бермоқда RedPen. У ерга барча ахборотни қайта ишлашга қодир бўлган компьютерлар ўрнатилади.
Диспетчерлик марказида камералар ва патруль хизматини боғлаб турувчи, махсус ўқитилган мутахассислар фаолият кўрсатади. Компьютерлардаги маълумотлар узоқ вақт давомида сақланади (улар бора-бора архивланади).
Тошкентда тизимдаги муҳим бўғинлардан яна бири — патруль машиналари сони кўпаяди. Улар замонавий компьютер, камера, рангли дисплейга эга рация ва бошқа янги техникалар билан жиҳозланади.
