Ўзбекистонда жорий қилинаётган йўл ҳаракати хавфсизлигини бошқаришнинг компьютерлашган тизими видеокузатув камералари, диспетчер маркази ва патрул машиналари каби учта бўғиндан иборат, дея хабар бермоқда RedPen.
Камераларни аввал Тошкентда, сўнг Самарқандда, ундан кейин эса бутун республика бўйлаб ўрнатиш режалаштирилмоқда.
Дастлаб Тошкентдаги 120 та чорраҳага камералар ўрнатиш ва бунинг учун 1200 та камера сотиб олиш кўзда тутилган эди. Якунда камера билан жиҳозланадиган чорраҳалар сони 160 тагача кўпайтирилди.
Сўнгги бир неча ой ичида Тошкентдаги чорраҳаларга кузатув тизимини ўрнатиш ишлари олиб борилмоқда. Камералар ва диспетчерлик маркази ўртасида алоқа ўрнатиш учун «Ўзбектелеком» АК алоқа линияларини ўтказмоқда.
