Ўзбекистонда илк бор ўтказиладиган Халқаро туризм инвестицион форуми олдидан ташкил этилган матбуот анжуманида мамлакат сайёҳлик салоҳиятига оид статистик маълумотлар ҳам тақдим этилди.
2018 йилнинг ўтган 10 ойи давомида Ўзбекистонга келган хорижлик меҳмонлар сони 4,4 миллион нафарни ташкил этган. Бутун 2017 йил давомида Ўзбекистонга 2,2 миллион хорижлик ташриф буюрган.
Ўзбекистонда 18 мамлакат учун виза режими, 50 мамлакатга кириш визаларининг соддалаштирилган тартиби, 101 мамлакат учун транзит визалари жорий қилинган.
ЎзА хабарига кўра, юртимизга келган ҳар бир сайёҳ ўртача ҳисобда 617 доллар пул сарфлайди.
