Машҳур режиссёр Жеймс Камерон кўп йиллар давомида афсонавий “Титаник” кинокартинаси мухлисларини қийнаб келган саволга жавоб берди, дея маълум қилмоқда Рамблер нашри.
Фильм катта экранларга чиққанидан бери мухлисларни бир масала қийнаб келади: Жек ҳам севгилиси Роузни қутқариб қолган солга чиқиб олса бўларди-ку? Сол бемалол икки кишини кўтарарди-ку?!
Камероннинг ўзи ҳам ушбу саҳна учун ясалган ёғоч сол икковлоннинг ҳаётини сақлаб қолиши мумкин бўлганини таъкидлади. Аммо режиссёр икки қалбнинг севги қиссаси фожиа билан тугаши керак бўлганлигини, айнан шу нарса томошабинни ўзига жалб этишини маълум қилди.
