Бироз омадсиз чиққан “Адолат иттифоқи” фильмидан сўнг DC мухлислари Аквамен ҳақидаги картинани интиқлик билан кутиб олишди, дея хабар қилмоқда Gorodfinansov.ru нашри.
Уммоности қаҳрамони ҳақидаги айнан мана шу фильм Марвелнинг “Қасоскорлар”ига қарши жавоб бўлади, десак, муболаға бўлмайди.
Чинакам киноихломанд фильмни томоша қилиш жараёнида “Тахт”, “Индиана Жонс”, “Тор”, “Юлдузлар жанги”, “Бешинчи унсур”, “Тиғ узра югурувчи”ларга уйқашлик борлигини сезиши мумкин. Аммо бу фильмдан мароқ олишга халал бермайди.
Фильм режиссёри Жеймс Ван кенг кўламли денгиз жангларию қаҳрамонлар дуэлларигача, барча-барчасини дид билан суратга олган.
Бош ролни ижро этган Жейсон Момоа айнан шу персонаж учун туғилгандек.
Аммо кўпчилик киномухлислар ва кинотанқидчилар ушбу фильмни Кристофер Нолан суратга олишини истаган эди. Ана ўшанда фильм катта бир фалсафий қиссага айланар эди.
