АҚШнинг йирик автомобиль ишлаб чиқарувчиси ҳисобланган “Ford Motor Co” компаниясининг жорий йилнинг дастлабки 9 ойидаги соф даромади 2013 йилнинг тегишли даврига нисбатан 23,8 фоизга камайган.
Компания ҳисоботида қайд этилишича, “Ford”нинг белгиланган даврдаги кирими 108,8 миллиард долларни ташкил этган. Бу ўтган йилнинг дастлабки уч чорагига нисбатан 1 фоизга кам демакдир. Худди шунингдек, компания жорий йилнинг учинчи чорагида 34 фоиз, яъни, 835 миллион доллар кам миқдорда соф фойдага “эришган”.
Компания вакиллари мазкур ҳолатни Россия ва Туркия бозорларида “Ford” автомобиллари сотилиши камайиши билан изоҳлашмоқда.
