Буюк Британиянинг The Guardian нашри Буюк ипак йўли меъморчилиги ва меросларини ўзида сақлаб қолган меҳмондўст Самарқанд шаҳрига ташриф буюрган сайёҳлар учун барча шарт- шароит яратилганлиги ҳақида ёзди ва уни 2019 йилда ҳар бир сайёҳ бориши керак бўлган масканлар рўйхатига киритди.
Электрон визаларнинг жорий этилиши эскича тарзда виза олишдан кўра катта қулайликларни юзага келтирди. Бундан ташқари, Тожикистоннинг Панжакент шаҳрида Самарқанд шаҳрига, Тожикистоннинг Фан тоғига бориш учун олдинги чегара пункти ўз фаолиятини қайта тиклади. Бундай имконият узоқ йўлни яқин қилади. Бу ердан Самарқандга ва қўшни мамлакатларга бориш анча енгилликни юзага келтиради.
Turkish Airlines Истанбул- Самарқанд йўналишини йўлга қўйди. Бу Ўзбекистоннинг юрагида жойлашган дурдона шаҳар Лондондан бир бекат фарқ қилади деганидир. The Guardian шаҳарга олиб борувчи темирйўл тармоғи хизмати аъло даражада йўлга қўйилганлигини ҳам таъкидлаб ўтган.
Бу ерда Тошкент шаҳрини тилга олмасликнинг иложи йўқ. Эндиликда шаҳарнинг гўзал метрополитенида суратга тушишга рухсат берилди.
