2019 йил 6 январь куни Тошкент шаҳрининг Яшнобод тумани Кичик халқа йўли ва Махтумқули кўчалари кесишган чорраҳасида ҳаракатланиб кетаётган “HOWO” юк автомобилининг мотор қисми қисман ёниб зарарланган. Бу ҳақда ЁХББ матбуот хизмати хабар қилди.
Фуқаро Х.З. бошқарувидаги ҳаракатланиб кетаётган юк автомобилидаги ёнғинни бартараф этишга 2 та ёнғин ўчириш экипажлари жалб этилган. Кўрилган тезкор ҳаракатлар натижасида ёнғин зудликда бартараф этилган. Ёнғинни тахминий келиб чиқиш сабаби юк автомобилининг мотор қисмида қолдирилган ёнувчан ёқилғи-мой маҳсулотига шимдирилган матонинг алангаланишидан.
Тан жароҳати олганлар йўқ. Моддий зарар миқдори аниқланмоқда.
