Кира Найтли бир пайтлар не сабабдан кинодан кетмоқчи бўлганини маълум қилди, дея хабар берди Тeleprogramma.pro нашри.
Кино оламига эрта кириб келганига қарамай, Кира 22 ёшида кучли тушкунликка тушиб, кинодан кетмоқчи бўлган.
Найтли актриса Натали Портманга ўхшагани туфайли уни “Юлдузлар жанги: Яширин таҳдид” фильмида унинг қиролича Амидали образининг қиёфадоши Сабе ролига таклиф қилинади. Шунга қарамай, Кира Наталининг соясида қолиб кетмаслик учун эртаю кеч тинимсиз меҳнат қилишига тўғри келган экан. Негаки ўша пайтдаёқ Натали “Леон” фильмидаги роли орқали машҳурликка эришиб бўлганди.
“Кариб денгизи қароқчилари” трилогиясининг суратга олиш ишлари Найтлини ҳаддан зиёд ҳолдан тойдирган экан. Шундан сўнг актриса бироз тин олиб, саёҳатга чиқади. Аммо ҳаётдаги мақсади нима эканлигини билолмай, анча пайтгача қийналган экан.
