Афғонистон президенти Ашраф Ғани Аҳмадзай ўз исмини Ашраф Ғанига ўзгартирди. Бу ҳақда президентнинг матбуот котиби Файек Ваяхиди хабар қилди, дея маълумот беради lenta.ru нашри.
Шу билан бирга президентнинг исмидаги ўзгартиришлар барча ҳужжатларда ҳам ўз аксини топди. Аҳмадзаи-Афғонистондаги йирик пуштун қабилаларидан бири саналади. Ушбу қабила вакиллари ўз исми шарифининг охирига қабиланинг номини қўшиб, ўзларининг ушбу қабилага тегишли эканликларини билдиришган.
Ашраф Ғани Аҳмадзай Афғонистондаги президент сайловларида ғалаба қозонган. Сайловларнинг иккинчи тури шу йилнинг 14 июль куни бўлиб ўтган. Унга сайловчиларнинг 56,44 фоизи ўз овозларини беришган.
