Эквадор ҳукумати венесуэлалик мигрантлар учун мамлакат ҳудудига кириш қоидаларини кучайтирди, деб хабар қилмоқда Trend нашри.
Бунга эса Венесуэла фуқароси томонидан эквадорлик ҳомиладор аёлни гаровга олиб, сўнг уни полиция кўз олдида ўлдириши билан боғлиқ воқеа сабаб бўлган. Мазкур жиноят Эквадор фуқароларининг кескин норозилигига олиб келмоқда. Шундан кейин ҳукумат қўшни Венесуэладан кирувчи ҳар бир фуқарони қаттиқ назоратга олишни бошлади. Шунингдек, ҳукумат ўз фуқароларини ҳам венесуэлаликларга нисбатан зўравонлик ишлатмасликка чақирган.
