2019 йилнинг 24 январ куни “Ўзагротехсаноатхолдинг” АЖ га жамият тизимидаги корхоналарнинг ишлаб чиқариш,эксплуатация, таъмирлаш сифатини тубдан такомиллаштириш йўналишлари бўйича олиб борилаётган ишлар билан танишиш мақсадида Ўзбекистон Республикаси Олий Мажлиси Қонунчилик палатасининг депутатлари ташриф буюришди. Дастлаб Ўзбекистон Республикаси Олий Мажлисининг Қонунчилик палатаси депутатлари холдинг ҳудудидаги махсус кўргазмали майдонда жойлашган қишлоқ хўжалиги техникалари, агрегатлар ҳамда “Чирчиқ қишлоқ хўжалиги техникаси заводи” АЖ томонидан ишлаб чиқарилган қишлоқ хўжалиги техникалари, қолаверса, “Тошкент қишлоқ хўжалиги техникаси заводи” АЖ даги ишлаб чиқариш фаолияти билан яқиндан танишишди.
Шундан сўнг Ўзбекистон Республикаси Олий Мажлиси Қонунчилик палатасининг депутатларига “ЎзКлаасАгро” МЧЖЎзбекистон-Германия қўшма корхонаси иш фаолияти, қишлоқ хўжалиги техникаларини эксплуатацияси ва уларга сервис хизматларини кўрсатиш, ишлаб чиқариш жараёнида замонавий техника ва технологиялардан унумли фойдаланиш бўйича махсус тақдимот намоиш қилинди.
Ташриф давомида депутатлар “Ўзагротехсаноатхолдинг” АЖ таркибидаги “Қишлоқ хўжалиги машинасозлиги конструкторлик-технологик маркази” МЧЖ Ўзбекистон-Корея қўшма корхонаси фаолияти ҳамда илғор, унумдор, замонавий қишлоқ хўжалиги техникалари ва технологияларини ўзлаштириш, ишлаб чиқариш жараёнида замонавий техника ва технологиялардан фойдаланиш бўйича тақдимот билан ҳам яқиндан танишишди.
Аҳамиятлиси, ташриф якунида намоиш қилинган “Ўзагротехсаноатхолдинг” АЖ томонидан амалга оширилаётган янги инвестицион лойиҳалар тақдимоти ҳамда “Ўзагротехсаноатхолдинг” АЖ бошқаруви раиси Каримов Мухтор Акбаровичнинг маърузаси депутатларда катта қизиқиш уйғотди.
