Бугун, 5 ноябрь куни Миср Пойтахти Қоҳирада мактаб автобусларининг бири ўз йўналиши бўйича ҳаракатланаётиб, бензин ташиш учун мўлжалланган автомобилга урилиб кетди. Натижада 18 киши воқеа жойида ҳалок бўлди. Бу ҳақда news.day.az нашри Sky News Arabia телеканали маълумотларига таяниб хабар беради.
Маълумотларга кўра мактаб автобусининг олдидан чиқиб қолган енгил автомобил унинг ўз йўналишини кутилмаганда ўзгариши ва бензин ташиш машинасига урилиб кетишига сабаб бўлган. Ўндан ортиқ мактаб ўқувчилари турли тан жароҳатлари билан яқиндаги касалхонага етказилган.
Уларнинг ахволи оғир, деб баҳоланмоқда.
