Швецарияда бўлиб ўтаётган Давос Бутунжаҳон иқтисодий форумининг иккинчи кунида барча эътибор Германия канцлери Ангела Меркелниннг нутқига қаратилди, дея хабар қилмоқда ТАСС нашри.
Меркел хоним нутқи давомида нафақат Евроиттифоқ, балки бутун дунё кўп томонлама муносабатлар принципига таяниши кераклигини таъкидлади.
– Биз ҳозирда миллатчилик ҳаракатларига кўп дуч келмоқдамиз, уларга қарши туришимиз керак. Мен ва ҳукумат аъзолари бу курашга тайёрмиз, – деди Меркел.
Шунингдек, иккинчи куннинг яна бир муҳим масалаларидан бири бу Италия бюджети билан боғлиқ муаммони муҳокама қилиш бўлди.
