Филиппиннинг Сулу вилоятидаги католик черковида кетма-кет 2 та портлаш содир этилди, дея хабар бермоқда Вести нашри.
Ҳодиса натижасида камида 20 киши қурбон бўлган. Шунингдек, ўнлаб одамлар яраланган. Хабарларга кўра, биринчи портловчи қурилма черковга кириш жойида ҳаракатга келтирилган. Ҳудудга етиб келган полиция одамларга ёрдам кўрсатаётган вақтида эса черков ичида иккинчи портлаш рўй берди. Қурбонлар орасида тинч аҳоли вакиллари билан бирга ҳарбийлар ҳам бўлган. Ҳозирча ҳеч қайси террорчилик ташкилоти хунрезлик учун жавобгарликни ўз зиммасига олганича йўқ.
