Голливуд режиссери Оливер Стоун РИА Новостига берган интервьюсида Путин ҳақида фильм олишни истаётганлигини маълум қилди. Унинг сўзларига кўра, фильм бадиий эмас, балки ҳужжатли бўлади.
“Мен ундан америкаликлар эшитишни хоҳламайдиган интервью олишни истар эдим. Мен у ҳақида ҳужжатли фильм суратга олмоқчиман”, дейди Стоун.
Кремлда бўлиб ўтган интервьюда режиссер бу ҳақида президентга маълум қилганлинини таъкидлади. Улар 4 ноябр куни “Миллатлар театри”да ёзувчи, режиссер ва актер Василий Шукшин хотирасига бағишланган кечада учрашишган. “Стоуннинг фильм олиш ҳақида истаги бизга маълум”, - дейди президентнинг матбуот котиби Дмитрий Песков.
Режиссер Оливер Стоун Москвага АҚШ махсус хизмат вакили Эдвар Сноуден ҳақиданги янги фильм сценарийсини тасдиқлаб олиш учун келган эди. Фильмнинг номи “Сноуден файллари” (The Snowden Files). Суратга олиш ишлари 2015 йилнинг бошида бошланиши режалаштирилмоқда.
