Албания пойтахтида АҚШ элчихонасидан юз метр узоқликда жойлашган Ante Grand тунги клубида жанжал чиқарган мамлакат парламенти депутатининг ўғли 25 ёшли Константин Жувани қўлга олинди. Бу ҳақда Rilindja Demokratike хабар қилмоқда.
Ўқ узиш натижасида тўрт киши ҳалок бўлган. Уларнинг уч нафари маҳаллий аҳоли бўлиб, бири 60 ёшли италиялик одам эди. Яна икки киши касалхонага етказилди.
Бундан аввал ҳам Константин Жувани ва ҳуқуқни муҳофаза қилиш органлари ўртасида бир неча марта муаммо келиб чиққан. 2014 йил 25 апрел куни кичкина Жувани барга кириб келган ва ташриф буюрганларга қарата тўппонча ўқталган ва кейин ўқ узган.
Депутатнинг ўғлига 8 йил озодликдан маҳрум қилиш жазоси тайинланиши керак эди, бироқ бир ойдан кейин унинг барча айблари олиб ташланди.
