АҚШнинг Нью-Йорк шаҳрида вазни 552 карат бўлган олмос намойишга қўйилди, деб хабар қилмоқда Репорт нашри.
Phillips кимошди савдо уйига йиғилганлар ҳажми товуқ тухумидек келадиган қимматбаҳо тошни кўриш имконига эга бўлишди. У Шимолий Америка ҳудудидан ҳозиргача топилган энг йирик олмос саналади. Қимматбаҳо тошнинг ранги сариқ бўлиб, у табиий ҳолатда сақланган. Уни АҚШ, Исроил, Белгия ва бошқа мамлакатлардан келган мутахассислар текшириб, сўнг унинг қийматини аниқлаб беришади.
