Франциянинг LʼÉquipe газетаси Европа топ-5 чемпионатларидаги энг кўп маош олувчи футболчилар рўйхатини тақдим этди.
Унга кўра, энг кўп ойлик маошни “Барселона” ҳужумчиси Лионель Месси олади. Аргентиналикнинг маоши солиқлар билан қўшиб ҳисоблаганда 8,3 миллион еврони ташкил этади.
Иккинчи ўринда эса “Ювентус” форварди Криштиану Роналду бормоқда. Роналду ҳар ой 4,7 миллион евро олади. Учинчи ўринда бораётган Антуан Гризманнга “Атлетико” ойига 3,3 миллион евро миқдорида пул тўлайди.
Европада энг кўп ҳақ тўланадиган Топ-10 футболчи
1. Лионель Месси (“Барселона”) – 8,3 млн евро (ойига);
2. Криштиану Роналду (“Ювентус”) – 4,7;
3. Антуан Гризманн (“Атлетико”) – 3,3;
4. Неймар (ПСЖ) – 3,06;
5. Луис Суарес (“Барселона”) – 2,9;
6. Гарет Бэйл (“Реал”) – 2,5;
7. Филиппе Коутиньо (“Барселона”) – 2,3;
8. Алексис Санчес (“Манчестер Юнайтед”) – 2,28;
9. Килиан Мбаппе (ПСЖ) – 1,73;
10. Месут Озил (“Арсенал”) – 1,6.
