25 февраль куни Лос-Анжелесда “Оскар” киномукофотининг навбатдаги ғолиблари маълум бўлади, дея хабар берди Кinonews.ru нашри.
“Энг яхши фильм” учун “Қора пантера”, “Қора қабила”, “Богема рапсодияси”, “Маҳбуба”, “Яшил китоб”, “Рим”, “Юлдуз туғилди”, “Ҳокимият” картиналари кураш олиб боради.
“Энг яхши актёр” учун Рами Малек (“Богема рапсодияси”), Кристиан Бейл (“Ҳокимият”), Уиллям Дефо (“Ван Гог. Абадият остонасида”), Брэдли Купер (“Юлдуз туғилди”), Вигго Мортенсон (“Яшил китоб”) номзодлари қўйилган.
“Энг яхши актриса” сифатида Леди Гага (“Юлдуз туғилди”), Оливия Колман (“Маҳбуба”), Ялица Апарисио (“Рим”), Гленн Клоуз (“Рафиқа”), Мелисса МакКарти (“Мени авф эта оласанми?”) номзодлари кўрсатилган.
Сэм Элиот (“Юлдуз туғилди”), Сэм Рокуэлл (“Ҳокимият”), Махершала Али (“Яшил китоб”), Ричард Э. Грант (“Мени авф эта оласанми?”), Адам Драйвер (“Қора қабила”) “Иккинчи пландаги энг яхши актёр” номинацияси учун юлдузларини синаб кўришади.
Эмма Стоун (“Маҳбуба”), Эми Адамс (“Ҳокимият”), Марина Де Тавира (“Рим”), Рэйчел Уайз (“Маҳбуба”), Режина Кинг (“Агар Билл-стрит гапира олганда”) эса “Иккинчи пландаги энг яхши актриса” номинацияси учун омадларини минаб кўришади.
Йоргос Лантимос (“Маҳбуба”), Спайк Ли (“Қора қабила”), Альфонсо Куарон (“Рим”), Адам МакКэй (“Ҳокимият”), Павел Павликовский (“Совуқ уруш”) бўлса “Энг яхши режиссёр” номинациясига номзодлари қўйилган.
