Мексикада дискотекада содир бўлган отишмада 15 нафарга яқин одам қурбон бўлди

Мексиканинг Гуанахуато штатида жойлашган тунги клубга ҳужум уюштирилди, деб хабар берди РИА новости нашри.

Маълумотларга кўра, бир гуруҳ қуролланган шахслар бинога бостириб кириб, у ердаги одамлар ва ходимларни ўққа тута бошлашган. Воқеаоқибатида камида 15 киши ҳалок бўлди. Шунингдек, яна бир неча киши жабрлангани хабар қилинмоқда. Жиноятчилар воқеа жойидан қочишга муваффақ бўлишган.