Бу йил "Turkvison-2014" танловида 24 та мамлакатдан вакиллар ғолиблик учун курашади. Улар орасида Ўзбекистондан Азиза Низомова ҳам бор.
Бу ҳақда маълум қилган "Popcorn" сайти ёзишича, 19 ноябрь куни танловнинг яримфинал баҳси ўтказилади. Ҳамюртимиз танловда 5-рақамда сараланган бўлиб, "Дунё бўлсин омон" деб номланган тарона билан иштирок этмоқда.
Айни пайтда Азиза Россия Федерациясининг Қозон шаҳрида танловга тайёргарлик кўрмоқда.
Сайтнинг эслатишича, ўтган йили бу танловда Ватанимиз номидан Нилуфар Усмонова иштирок этган.
Азиза Низомова кўпчиликка айни вақтдаги "Сетора" гуруҳи орқали яхши таниш. Гуруҳидаги фаолиятидан ташқари, кўплаб эстрада юлдузларининг қўшиқларидаги бэк-вокалда айнан унинг овози қўлланилади.
