Украинанинг янги президенти Владимир Зеленский давлат раҳбари сифатида илк нутқини сўзлади, дея хабар қилмоқда Вести нашри.
Нутқи чоғида у Парламентни тарқатиб юбориш, ҳукуматда “қон алмаштириш”, рус тили, донбасс бўйича музокаралар ҳамда портретлар каби 5 та масалага аҳамият қаратган. У инаугурациясидан кейин Киевга келган Оқ уй делегацияси вакиллари билан учрашди. Маълумотларга кўра, Украинанинг амалдаги президенти АҚШдан Россияга қарши санкцияларни кучайтиришни сўраган. Зеленский Вашингтон Киевнинг “Россия тажовузини енгиб ўтиш”даги бош шериги бўлиб қолишини таъкидлаб ўтган.
