Франциялик актер Жерар Депардье сентябр ойида Африкага қилган сафари давомида нафақат иккита шерни ўлдирганлигини, балки уларнинг гўштини еганлигини ҳам тан олди. У бу ҳақда The Independentга берган интервьюсида айтиб берди.
Унинг сўзларига кўра, жониворларни ўлдиришига ўз-ўзини ҳимоя қилиш бўлган. “Машинамиз Буркино-Фасо йўлларидан бирида бузилиб қолди. Ана шунда икки шер чиқди ва машина олдига турди. Орадан бир неча соат ўтди, биз эса ташқарига чиқа олмасдик. Шунда бизда уларни отишдан бошқа иложимиз қолмади”, - дейди Депардье.
Ўлдирилган шерларнинг гўштини татиб кўрдингизми деган саволга Депардье ҳа дея жавоб қайтарди. Бироқ тафсилотлар билан ўртоқлашмади.
