Хонанда Мадонна ўзининг тугатилмаган альбоми Iconicнинг интернет тармоқларига чиқиб кетганлиги ҳақида муносабатини билдирди. Instagram орқали эълон қилинган унинг фикрига кўра, у ёзувларни ўчириб ташлаган, дея ёзмоқда Daily Mail. Поп-ижрочининг қайд этишича, бузғунчиларнинг бу ҳаракати, яъни санъаткорларга ўтказган босими терроризмга тенг.
“Бу қўшиқнинг шунчаки, демо-версияси, уларнинг ярми альбомга кирмайди, қолган ярми эса такомиллаштирилади ва ривожлантирилади. Бу ҳам терроризмнинг бир кўриниши. Жин урсин. Нега одамлар ижодий ишлаб чиқариш жараёнига халақит беришади? Ўғирлашни нима кераги бор? Нега менга альбомни тугатишга имконият беришмайди?”, - деб ёзган хонанда ижтимоий тармоқда.
Мадоннанинг 2015 йилда чиқарилиши керак бўлган пластинкаси 17 декабр куни интернетда пайдо бўлган. Тармоққа 13 та қўшиқ жойлаштирилган.
