Ижтимоий тармоқларда АҚШнинг Ироқдаги ҳарбий ҳаракатлари пайтидаги воқеаларга бағишланган “Америкалик мерган” фильми трейлерининг премьераси бўлиб ўтди. Таъкидлаш керакки, ушбу фильм реал воқеалар асосида суратга олинган.
Фильм келгуси йилдаги “Оскар” мукофотига асосий даъвогарлардан бири ҳисобланади.
Ироқликлар томонидан шайтон деб ном берилган Крис Кайл рақибларнинг аскарларини ўлдириш бўйича рекордчига айланади. Фильм худди китобдаги каби асосий қаҳрамон Кайлнинг ҳарбий ҳаракатлари, унинг фуқаролик ҳаёти, фарзанди ҳамда турмуш ўртоғи билан муносабатларини акс эттирган.
Клинт Иствуд учун бу фильм 36-режиссерлик ишидир. “Чақирилмаган” ва “Миллион долларлик болакай” фильмлари учун режиссер “Оскар” мукофотини қўлга киритган. Унинг актерлик иши икки марта кўп, яъни 62 та.
