Яқиндагина муҳташам “Истиқлол” санъат саройида тўлиқ жонли ижродаги концерт дастурини тақдим этган Ўзбекистонда хизмат кўрсатган артист, жонли ижро устаси Шуҳрат Қаюмов яна ижод билан банд. Хонанда бу йил мухлислари учун ажойиб сюрпиз тайёрламоқда. Бу қандай янгилик эканлиги билан қизиқаётган мухлислар кўп бўлиши табиий. Бироқ бу хонанда томонидан ҳозирча сир сақланмоқда. Бу ҳақда popcorn.uz хабар беради.
Қолаверса, хонанда бу билан чегараланиб қолгани йўқ янги тароналар устида ҳам ишламоқда. Янги йилнинг биринчи ойидаёқ мухлислари учун туҳфа сифатида хонанданинг “Табибим” номли концерт альбоми сотувга чиқади.
