Она тилим

МУТОЛАА 15.10.2019, 11:14
Она тилим

Ўзбек тилига давлат тили мақоми берилганлигининг 30 йиллиги ҳамда Ўзбекистоннинг Туркий тилли давлатлар Ҳамкорлик Кенгашига қўшилиши тўғрисидаги тарихий қарорга бағишланади.

Сенла фахр этарман эй она тилим,

Сабабин сўрсалар жавобим аниқ.

Сен онам алласи, отам дуоси,

Сенла истиқболим порлоқ ва тиниқ.

                        ***

Мустақил диёрим ўғил-қизлари,

Сўзлагай мардона она тилида.

Нурли келажакка қалбларда ишонч,

Бугун қувонч-шодлик ўзбек элида.

                      ***

Азму шижоатнинг тантанасидан,

Туркий тилли эллар бўлди якқалам.

Навоий бобомнинг руҳи ҳам шоддир,

Кўнгиллар ободдир, чекинди алам.

                      ***

Минг шукур юртимда байрамлар бисёр,

Муборак тўйинг ҳам азиздир бизга.

Янграгин доимо эй она тилим, 

Жаҳоннинг энг юксак минбарларида.

 

Нурбек САЛОМ

Давлат божхона қўмитаси Ахборот хизмати раҳбари

Шарҳлар

Об-ҳаво: Тошкент
Валюта курси
1