O`zbek tiliga davlat tili maqomi berilganligining 30 yilligi hamda O`zbekistonning Turkiy tilli davlatlar Hamkorlik Kengashiga qo`shilishi to`g`risidagi tarixiy qarorga bag`ishlanadi.
Senla faxr etarman ey ona tilim,
Sababin so`rsalar javobim aniq.
Sen onam allasi, otam duosi,
Senla istiqbolim porloq va tiniq.
***
Mustaqil diyorim o`g`il-qizlari,
So`zlagay mardona ona tilida.
Nurli kelajakka qalblarda ishonch,
Bugun quvonch-shodlik o`zbek elida.
***
Azmu shijoatning tantanasidan,
Turkiy tilli ellar bo`ldi yakqalam.
Navoiy bobomning ruhi ham shoddir,
Ko`ngillar oboddir, chekindi alam.
***
Ming shukur yurtimda bayramlar bisyor,
Muborak to`ying ham azizdir bizga.
Yangragin doimo ey ona tilim,
Jahonning eng yuksak minbarlarida.
Nurbek SALOM
Davlat bojxona qo`mitasi Axborot xizmati rahbari