Парламент сайловлари Қирғизистон ва Тожикистонда 2020 йилда, Ўзбекистонда эса 2019 йилнинг декабрь ойида бўлиб ўтади. Бу ҳақда Сa-news.org нашри ёзмоқда.
Қирғизистон республикаси Молия вазирлиги 2020 йилда ўтказилиши режалаштирилган парламент сайловига 1 миллиард 214,3 миллион сом (17 миллион $ дан ортиқ), 2020 йилнинг март ойида ўтказилиши кўзланган Тожикистон республикаси олий қонунчилик органи сайловига 80 миллион сомоний (8 миллион $ дан ортиқ) маблағ ажратилишини маҳаллий ОАВлар маълум қилган. Ўзбекистон қонунчилик палатаси, шу билан бирга вилоят, туман ва шаҳар халқ депутатлари кенгашларида сайловларни ўтказиш учун 230,5 миллиард сўм (25 миллион $ га яқин) маблағ ажратилиши кўзда тутилган.