Жорий йилнинг еттинчи октябрь куни Португалиянинг Сан-Бернарду-де-Сетубал шаҳрида ҳаётда жуда кам учрайдиган, юзи дефектга учраган болага дунёга келди. Бу ҳақда РИА новости нашри хабар берди.
Чақалоқнинг кўзи, бурни, бош чаноғининг маълум қисми йўқ. Шифокорлар унинг бир неча соатлик умри қолганлигини башорат қилишди. Бироқ боланинг ота– онаси Давид ва Марленнинг саъй– ҳаракатлари туфайли у омон қолди. Бола орадан икки ҳафта ўтиб, шишача орқали озиқлана бошлади. Эр– хотин боланинг бундай туғилишида Марленни бутун ҳомиладорлиги давомида назорат қилган гинеколог Артур Карвальони айбдор қилишмоқда. Уларнинг айтишича, Марленни бир неча маротаба УТТ га туширган шифокор боладаги бундай жиддий нуқсонни аниқламаган. У ҳар доим эр– хотинга бола яхши ривожланаётганини айтган. Айни пайтда унга нисбатан тергов ишлари олиб борилмоқда.
