Туркия ҳукумати "Ислом давлати" террорчилик гуруҳи етакчиси Абу Бакир ал-Бағдодийнинг туғишган опасини оиласи билан қўлга олди, деб хабар берди АҚШнинг Ассошиэйтед Пресс ва Британиянинг Рейтер агетликлари туркиялик амалдорнинг берган маълумотларига асосланган ҳолда.
Агентлик берган маълумотга кўра, 65 ёшли Расмия Авад (Rasmiya Awad) душанба куни кечқурун Суриянинг шимолида жойлашган Алеппо провинциясидаги Азаз шаҳрида қўлга олинган. Расмия Авад экстремистик гуруҳлар билан алоқада бўлганликда айбланмоқда. Манбанинг хабар беришича, аёлнинг қўлга олиниши разведка учун жуда қўл келади. Расмия Аваднинг жангариларни ушлаш ва йўқ қилишда ёрдами беқиёс бўлишига умид қилинмоқда. Аёл билан бирга унинг эри, беш нафар фарзанди ва келини ҳам қўлга олинган ва сўроқ қилинган.
АҚШ президенти Дональд Трамп 27 октябрь куни ал-Бағдодий йўқ қилингани ҳақида маълум қилган эди.
