Пойтахтимизда 9 ноябрь куни соат 14:30 дан 16:00 гача веломарафон ўтказилиши муносабати билан кўчаларнинг бир қисми транспорт воситалари учун вақтинча ёпилади. Бу ҳақда Тошкент шаҳар ҳокимлиги матбуот хизмати огоҳлантирмоқда. Демак, улар қуйидагилар:
📍Афросиёб кўчасининг Бешёғоч кўчасидан Ойбек кўчасигача бўлган қисми;
📍Шахрисабз кўчасининг Ойбек кўчасидан Амир Темур хиёбонигача бўлган қисми;
📍Ислом Каримов кўчасининг Амир Темур хиёбонидан Фурқат кўчасигача бўлган қисми;
📍Фурқат кўчасининг Ислом Каримов кўчасидан Бешёғоч кўчасигача бўлган қисми;
📍Бешёғоч кўчасининг Фурқат кўчасидан Афросиёб кўчасигача бўлган қисми.
Шаҳар ҳокимияти келтирилган ноқулайлик учун узр сўрайди.
