Муталхўжаев янги “Хаёл” номли қўшиғига видеокетма-кетлик тасвирга олиш режасини анча аввал бошлаган эди. Ҳар доимгидек, клип сюжети ҳақида бош қотиришда ўзи бош-қош бўлди.
Ёш хонанда Хушнуд билан дуэт кўринишида куйланган қўшиқ учун фалсафий клип суратга олинадиган бўлди, аммо Тошкент кўчаларидаги тасвирга олиш жараёнларида Самарқанддан таклиф қилинган ёш актёр Шароф Шарапов шериги Полинани йўқотиб қўйса бўладими...
Уларнинг бир-бирини қидираётган саҳналари қўшиқ учун яхшигина видеокетма-кетлик бўлди. Ижодий гуруҳ аъзолари ҳақиқатдан йигит билан қиз бир-бирини йўқотишди деб ўйлашди. Лекин ҳаммаси аввалдан режалаштирилган сценарий асосида кетаётганлиги бироздан сўнг маълум бўлди.
Ушбу клип Отабек Муталхўжаевнинг 2015 йилдаги биринчи совғаси сифатида яқин кунларда тақдим этилиши режалаштирилмоқда.
