Ҳар йили ноябрь ойининг иккинчи якшанбасида мамлакатимизда Тиббиёт ходимлари куни кенг нишонланади.
Тадбирда Наманган вилояти ҳокими, сенатор Хайрулло Бозоров йиғилганларни байрам билан қутлаб, Президентимизнинг Ўзбекистон соғлиқни сақлаш ходимларига табригини ўқиб эшиттирди.
Тантанали тадбирда Президент Шавкат Мирзиёевнинг тиббиёт ходимлари куни муносабати билан қабул қилган фармонига мувофиқ тўрт нафар наманганлик соҳа фидойилариги давлат мукофотлари топширилди.
Тадбирда вилоят ҳокими Хайрулло Бозоровнинг вилоят соғлиқни сақлаш бошқармасига “Жентра” ҳамда Наманган шаҳар ва туманлар тиббиёт бирлашмаларига “Нексия-3” янги хизмат автомобилларининг калитлари топширилди, дея хабар беради Наманган24.
Шунингдек, тиббиёт соҳасида узоқ йиллар самарали хизмат қилиб, ҳамкасбларига ўрнак бўлаётган ва жамоат ишларидаги фаоллиги билан танилган соҳа фидойиларидан бир гуруҳи вилоят ҳокимининг фахрий ёрлиқлари ва эсдалик совғалари билан тақдирландилар. Қолаверса, йилнинг энг намунали шифокори кўрик-танлови номинациялари бўйича ғолиблар ҳам аниқланиб, уларга эсдалик совғалари ва дипломлар тақдим этилди.
Аввалроқ Андижон вилояти ҳокими Шуҳратбек Абдураҳмонов ушбу байрам муносабати билан вилоятда ўтказилган тадбирда шоир Шарофиддин Болтабоевга ушбу Nexia-3 автомобилини совға қилгани ҳақида хабар бергандик.
