Андижон вилоят ҳокими шифокорларнинг касб байрамида таниқли шоирга Nexia 3 совға қилди

ЖАМИЯТ 12.11.2019, 14:28
Теглар: Андижон, Шуҳратбек Абдураҳмонов, Хонобод
Андижон вилоят ҳокими шифокорларнинг касб байрамида таниқли шоирга Nexia 3 совға қилди

Андижон вилоятининг Хонобод сиҳатгоҳида тиббиёт ходимлари куни тантанали тарзда нишонланди.

Тиббиёт соҳасида самарали меҳнат қилаётган 500 нафардан зиёд шифокорларнинг дам олиб ҳордиқ чиқаришлари учун алоҳида эътибор қаратилди. Шанба кунининг  иккинчи ярмида Хонтоғда бунёд этилаётган дала-ҳовлилар, Оловиддин оромгоҳи ва Хонобод санаториясига жойлашган шифокорлар кечга қадар мириқиб хордиқ чиқардилар. Шифокорлар учун икки кун давомида ҳазил-мутойибага бой кўнгилочар тадбирлар, концерт дастурлари, спорт мусобақалари ташкил этилди.

Байрам тадбирида тиббиёт ходимлари, давлат ташкилотлари раҳбарлари, кенг жамоатчилик, ОАВлари вакиллари, маданият ва санъат намояндалари иштирок этдилар.

Тадбирнинг тантанали қисмида Андижон вилояти ҳокими Шуҳратбек Абдураҳмонов президент Шавкат Мирзиёевнинг соғлиқни сақлаш соҳаси ходимларига йўллаган байрам табригини ўқиб эшиттирди.

Вилоят раҳбари  шарафли ва масъулиятли касб эгаларига ўз эзгу тилакларини билдирди. 

Сана муносабати билан Президент фармонига кўра бир гуруҳ тиббиёт ходимларига давлат мукофотлари тантанали равишда топширилди. Шунингдек, соҳа илғорларига вилоят ҳокимининг фахрий ёрлиқ ва қимматбаҳо совғалари топширилди. Бундан ташқари Пахтаобод туманидаги Озод қишлоқ врачлик пунктига тез тиббий ёрдам автомашинаси совға қилинди. 

Тадбир давомида Андижоннинг эрка шоир ўғли, Ватан куйчиси Шарофиддин Болтабоевга  юртни мадҳ этувчи шеърлари учун вилоят ҳокимининг қимматбаҳо совғаси,  енгил автомашина  топширилди, дея хабар беради вилоят ҳокимлиги матбуот хизмати. 

Тантанали тадбирда санъат усталари ва ёш ижрочиларнинг концерт дастури намойиш этилди.

 

Шарҳлар

Андижонда ака-укани уриб кетиб, улардан бирининг ўлимига сабабчи бўлган ЙПХ ходими жазосиз қолаётгани айтилмоқда (видео)

10.08.2023, 20:43

Ижтимоий тармоқда “Асака туманида ЙҲХБ ходими томонидан 2 нафар шахсга нисбатан йўл транспорт ҳодисаси содир этилсада, жазо муқаррарлиги таъминланмаганлиги ҳақида хабар жойлаштирилди. Хабарга кўра, Асакада...
⚡️Шавкат Мирзиёев Андижонга жўнаб кетди

01.02.2023, 09:59

Президент Шавкат Мирзиёев ҳудудлар иқтисодиёти, аҳоли ҳаёти билан яқиндан танишиш мақсадида Андижон вилоятига жўнаб кетди. Бу ҳақда Президент матбуот хизмати хабар бермоқда.Маълум қилинишича, ташриф давомида...
Андижонда қизлар ўртасида оммавий муштлашув бўлди (видео)

21.12.2022, 09:11

Ижтимоий тармоқларда Андижон вилояти Пахтаобод туманида қизлар ўртасида жанжал юз бергани акс этган видеохабар тарқалди. Ҳолат юзасидан вилоят ИИБ матбуот хизмати маълумот тақдим этди.Маълум қилинишича, 7...
41 нафар одамни жароҳатлаган Андижондаги автоҳалокат қурбонлари сони ортди

29.11.2022, 21:08

Андижонда юз берган автоҳалокат оқибатида жабрланганлардан яна бири вафот этди. Бу ҳақда ССВ матбуот хизмати хабар қилди. 26 ноябрь куни А-373 Тошкент-Ўш-Андижон автомагистралининг 389-390-километрлари оралиғида "Исузу"...
Об-ҳаво: Тошкент
Валюта курси
1