Ўзбекистон Республикаси статистика давлат қўмитаси матбуот хизмати 2014 йилда Ўзбекистонда машинасозлик ишлаб чиқариш корхоналарининг статистик маълумотларини эълон қилди, дея хабар қилади 12news.uz.
Қўмита матбуот хизматининг маълумотига кўра, 2014 йилда юк ташиш автомобилларини ишлаб чиқариш 8,9 фоизга, автобуслар 7,13 фоизга ошган.
Шунингдек, автомобиль двигателларини ишлаб чиқариш 2013 йилга нисбатан 8,8 %га ортган.
Шу билан бирга, статистика қўмитаси ишлаб чиқарилган енгил автомобиллар сони тўғрисидаги ахборотни маълум қилмаган. 2014 йил учун қилинган тахминларга кўра, автомобиль ишлаб чиқариш ҳажми 250 минггача ўсиши керак эди. 2013 йилда GM Uzbekistan 246 641 дона автомобил ишлаб чиқарган. Шу ўринда эслатиб ўтамиз, бугунги кунда GM Uzbekistan 9 турдаги Damas, Spark, Cobalt, Captiva, Malibu, Orlando, Matiz, Nexia ва Lacetti русумидаги автомобилларини ишлаб чиқармоқда. Chevrolet Gentra русумидаги автомобиль 2013 йилнинг ноябрь ойидан буён, сўнгги русумдаги Chevrolet Orlando автомобили эса 2014 йил март ойидан буён ишлаб чиқарилмоқда.
