Канададаги авиаҳалокат оқибатида ҳалок бўлган ўзбек оилалари ҳақида расмий маълумот берилди

ЖАМИЯТ 29.11.2019, 12:52
Теглар: Канада, авиаҳалокат
Канададаги авиаҳалокат оқибатида ҳалок бўлган ўзбек оилалари ҳақида расмий маълумот берилди

Сал аввал, Канаданинг Онтарио провинциясида енгил самолётнинг ҳалокатга учраши оқибатида етти нафар ўзбекистонлик қурбон бўлгани ҳақида хабар берган эдик.

Ўзбекистон Ташқи ишлар вазирлиги ушбу воқеа бўйича расмий маълумот берди. 

Унга кўра, мамлакатимизнинг Вашингтон шаҳридаги Элчихонаси енгил моторли шахсий самолёт қулаши натижасида асли ўзбекистонлик Отабек Облокулов ва Бобомурод Набиэв, шунингдек, уларнинг оила аъзолари (жами етти киши) ҳалок бўлганлиги ҳақидаги ОАВ хабарларини тасдиқлайди. Воқеа 27-ноябр куни Канаданинг Онтарио провинциясида юз берган.

Олинган маълумотларга кўра, самолёт Отабек Облокулов томонидан бошқарилган, у турмуш ўртоғи ва уч нафар фарзанди, шунингдек, бошқа қариндошлари билан бирга дам олиш кунларини ўтказиш учун Торонто шаҳридан Кингстон шаҳрига йўл олган. Дастлабки маълумотларга кўра, самолёт қулашининг сабаби ноқулай об-ҳаво бўлиши мумкин.

Элчихона томонидан кўрилган шошилинч чоралар, жумладан Кинстон шаҳри полицияси билан олиб борилган музокаралар натижасида барча қурбонларнинг шахси аниқланган.

Элчихона консуллик ҳуқуқий ва ташкилий масалаларни ҳал қилиш чораларини кўрмоқда.

Ташқи ишлар вазирлигининг Консуллик-ҳуқуқий департаменти ва мамлакатимизнинг Вашингтон шаҳридаги Элчихонаси марҳумларнинг оила аъзолари ва яқинларига ҳамдардлик билдиради ва АҚШ (Алабама, Аркансас, Cолорадо, Делаwаре, Wашингтон ДC, Флорида, Георгиа, Кентуcкй, Лоуициана, Марйланд, Миссиссиппи, Нортҳ Cаролина, Оклаҳома, Соутҳ Cаролина, Теннессеэ, Техас, Виргиниа анд Wест Виргиниа), Куба, Канада, Бразилия ҳудудларида бўлиб турган Ўзбекистон фуқаролари зарур ҳолларда мамлакатимизнинг Вашингтон шаҳридаги Элчихонасига +1-202-887 -53-00, +1-202-251-82-98 телефон рақамлари орқали мурожаат қилишлари мумкинлигини эслатади.

Шарҳлар

Канадада эмланмаган фуқароларга солиқ солиниши мумкин

15.01.2022, 00:21

Канада ҳукумати мамлакатда коронавирус билан боғлиқ вазият кескинлашаётганидан ҳавотирда. Бунга қарши чора сифатида аҳолини эмлашга чақирмоқда. Ҳукумат эмланмаган аҳолига солиққа тортишни режалаштирмоқда. Бу таклифга биринчилардан бўлиб...
Канадада коронавирус юқтириш сони бўйича антирекорд янгиланди

28.12.2021, 23:13

Канада Соғлиқни сақлаш вазирлиги хабарига кўра, мамлакатда коронавирус юқтирганларнинг сони кундан-кунга ошиб бормоқда. Жумладан, сўнгги бир сутка ичида антирекорд қайд этилиб, 21000 нафар инсон касалланган....
Канадада сув тошқинлари туфайли 7 мингдан зиёд киши эвакуация қилинди

16.11.2021, 21:20

Канаданинг Британия Колумбияси провинциясидаги Мерит шаҳрида сув тошқинлари сабабли фавқулодда ҳолат режими ишга тушган. Бу ҳақда Риа Новости хабар берди.Қайд этилишича, сув тошқинлари туфайли 7...
Канадада вакцинадан бош тортган 3 мингдан ортиқ шифокорлар ишдан бўшатилди

02.11.2021, 18:01

Британия Колумбиясининг ғарбий провинциясида 3300 дан ортиқ тиббиёт ходими COVID-19 вакцинасидан бош тортгани учун ишдан четлатилди. Бу ҳақда Global News агентлиги хабар берди. Қайд этилишича, провинциядаги...
Об-ҳаво: Тошкент
+-6.03° tumanli
Валюта курси
11320.02
USD 27.33
12334.29
EUR 46.71
164.02
RUB 0.16
1