2019 йил 29 ноябрь куни тонги соат 05:04 да “Қамчиқ” навбатчилик қисмига келиб тушган хабарга кўра, “МЕРСЕДЕС” русумли юк машинасида “Тошкент-Водий” йўналишида ҳаракатланаётган фуқаро Ҳ.Е. йўл четида ғилдирагини алмаштириш учун тўхтаб турган “ИСУЗУ” русумли юк машинасининг орқасидан келиб урган.
Содир бўлган йўл транспорт ҳодисаси оқибатида, “ИСУЗУ” русумли юк машинаси йўл четидаги хандаққа тушиб кетган ва мазкур юк машинаси ҳайдовчиси Фарғона вилояти Қува туманида 1998 йилда туғилган A.A. енгил тан жароҳати олган.
Воқеа жойига тезкорлик билан 13-навбатчилик гуруҳи қутқарувчилари, “Резак” қишлоқ оилавий поликлиникаси навбатчи шифокорлари ва “Шеробод” йўл патрул хизмати ходимлари етиб келишди. Биринчи ўринда енгил тан жароҳати олган ҳайдовчига тиббий ёрдам кўрсатилди. Сўнгра, ИИБ ЙПХ ходимлари билан ҳамкорликда “Қамчиқ” қутқарув отряди гуруҳ командири Б.Ҳолиқов бошчилигидаги қутқарув автотехникаси ва “Қамчиқ автойўл” ИЙФУК техникаси ёрдамида “ИСУЗУ” русумли юк машинаси хандақдан чиқарилиб, йўл транспорт ҳодисаси оқибатлари бартараф этилди.
