Facebook’даги “Жамоатчилик назорати” гуруҳига аҳолининг кекса қатламига бериладиган нафақа пули доимий равишда кечиктириб берилишидан шикоят келиб тушди, дея хабар беради uz24.uz нашри.
Хабар қолдирган муаллифнинг ёзишича, онасининг нафақа пули ойнинг 20 чи куни ўтгач ҳам берилавермагач, у почта хизматига аслида қачон берилиши кераклигини сўраб қўнғироқ қилган. Почтадан эса ҳар ойнинг илк ҳафтасида (7-8 чи кунида) берилади, деган жавоб олган. Бироқ фойдаланувчининг сўзларига кўра, пенсия пули деярли ики ҳафтага кечикмоқда.
Шунингдек, гуруҳ фойдаланувчиси Марказий банкка ҳам мурожаат қилганини, аммо тайинли жавоб ололмаганини қўшимча қилади.
Ушбу хабарга изоҳ қолдирганларнинг кўпчилиги нафақа пулининг ўз вақтида берилмаслик ҳолатлари вилоятларда ҳам мавжудлигини айтишган.
