Тошкент шаҳрида содир бўлган ёнғинда инсонларни ҳалок бўлиш ва тан жароҳати олиш ҳолатлари қайд этилмади, дея хабар бермоқда Тошкент шаҳар Ёнғин хавфсизлиги бошқармаси.
2019 йил 14 декабрь куни соат 16:23да, Олмазор тумани, Қорасарой кўчаси 314а-уйда янги қурилаётган маъмурий бинонинг 3-қаватида картон қутиларида ёритиш чироқлари 10 кв.м. майдонида ёнган. Ёнғин ўчириш жанговар бўлинмалари чақирилган манзилга соат 16:28да етиб борган ва кўрилган тезкор чора ва ҳаракатлар натижасида ёнғин соат 16:42да бартараф этилган.
Ёнғин сигарета чекишда эхтиётсизлик оқибатида содир бўлган, деб таҳмин қилинмоқда. Ёнғиндан келтирилган моддий зарар миқдори аниқланмоқда. Ёнғин жойига 4 та ёнғин ўчириш техникаси жалб қилинган.
Шу муносабат билан, Тошкент шаҳар Ёнғин хавфсизлиги бошқармаси иқтисодиёт тармоқлари ва ижтимоий соҳа объект раҳбар ҳамда ходимларини, шунингдек, фуқароларимизни ёнғин хавфсизлиги қоидаларига қатъий риоя этишларини сўраб қолади.
